அரசுப் பள்ளி மாணவர்களுக்கு ஆன்லைன் வகுப்பு: பெற்றோர் கோரிக்கை

புதுச்சேரியில் அரசுப் பள்ளி மாணவர்கள் ஆன்லைன் வகுப்புப் பயில தடையாக இருக்கும் காரணிகளைக் களைந்து கல்வி பயில வழி ஏற்படுத்தித் தருமாறு பெற்றோர் கோரிக்கைவிடுத்துள்ளனர்.

புதுச்சேரி: கரோனா தொற்றுப் பரவல் காரணமாக இன்றளவும் பள்ளிகளைத் திறக்க அரசு தயக்கம் காட்டிவருகிறது. இதனால் தனியார் பள்ளிகள், மாணவர்களுக்கான பாடங்களை ஆன்லைன் வகுப்பு மூலமாகப் பயிற்றுவித்துவருகின்றன.

ஆனால், அரசுப்பள்ளி மாணவர்களுக்கு ஆன்லைன் வகுப்புகள் எதுவும் நடத்தப்படவில்லை. இதனால் பெரும்பாலான மாணவர்கள் தெருக்களில் விளையாடி நேரத்தை வீணடிக்கும் செயலிலேயே ஈடுபடுகின்றனர். சிலர் குற்றச் சம்பவங்களில்கூட ஈடுபடுகின்றனர்.

மேலும் புதுச்சேரி அரசுப் பள்ளியில் பயிலும் பல மாணவர்களுக்கு, ஆன்லைன் வகுப்புகளில் கலந்துகொள்ள ஆர்வம் இருந்தும் அலைபேசி வாங்க வசதியில்லை. சிலர் உணவுக்கே பரிதவித்துவருகின்றனர்.

இத்தகைய காரணங்களால் மாணவர்களின் கற்கும் திறன் குறைந்துவருகிறது. எனவே தனியார் பள்ளி மாணவர்களைப் போன்றே, அரசுப் பள்ளி மாணவர்களும் ஆன்லைன் வகுப்புகள் மூலம் பயன் பெற அரசு நடவடிக்கை எடுக்க வேண்டும்.

இதற்குத் தடையாக உள்ள காரணிகளையும் அரசு களைய முன்வர வேண்டும் என பெற்றோர், பொதுமக்கள் கோரிக்கைவிடுத்துள்ளனர்.

இதையும் படிங்க:'பள்ளி பேருந்துகளுக்கு வரி செலுத்துவதிலிருந்து விலக்கு அளிக்க வேண்டும்'