அகமதாபாத்:பாகிஸ்தானில் இருந்து கடந்த 2009ஆம் ஆண்டு பள்ளி மாணவியாக இந்தியா வந்த கோமல், தன்னுடன் பள்ளியில் படித்த நண்பரான குஜராத்தைச் சேர்ந்த ஹிதேஷை கடந்த 2019ஆம் ஆண்டு காதலித்து திருமணம் செய்துகொண்டார். தற்போது அவர்களுக்கு ஒரு வயதில் பெண் குழந்தை உள்ள நிலையில் கோமலுக்கு இந்திய குடியுரிமை வழங்கப்பட்டுள்ளது.
இது குறித்து ஹிதேஷ் கூறுகையில், கோமலின் தந்தை பாகிஸ்தானின் கராச்சியில் தொழிலதிபராக இருந்தவர். அங்கு அடிக்கடி சட்ட ஒழுங்கு பிரச்சனை, கொள்ளை உள்ளிட்ட சம்பவங்கள் நடைபெற்றுள்ளன. இதனால் மூன்று பெண் குழந்தைகளை கையில் வைத்துக்கொண்டு மிகுந்த கவலையுற்ற கோமலுவின் தந்தை, அவருக்கு அங்கிருந்த சொத்துக்கள் அனைத்தையும் அப்படியே விட்டு விட்டு பஞ்சாப் மாநிலத்தில் உள்ள அமிர்தசரஸில் குடியேறியுள்ளார்.
இதையும் படிங்க:"அவளுக்கு வெரும் 11 ஆயிரம் டாலர் போதும்" இந்திய மாணவி மரணம் குறித்து அமெரிக்கா போலீஸ் கேலி பேச்சு!
அதனை தொடர்ந்து இந்திய பள்ளியில் தனது மூன்று மகள்களையும் சேர்த்து படிக்க வைத்துள்ளார் கோமலுவின் தந்தை. தொடர்ந்து கடந்த 2011ஆம் ஆண்டு தான் படித்த சர்தார்நகரில் உள்ள பள்ளியில் மூன்று பேரும் படிப்பதற்காக வந்து சேர்ந்தனர். அப்போது நான் அங்கு 12ஆம் வகுப்பு படித்துக்கொண்டு இருந்தேன். அதனை தொடர்ந்து கோமலும் மற்றும் அவரின் சகோதரிகள் இருவர் என மூன்று பேரும் எனக்கு நண்பர்கள் ஆகினர்.