ஜாம்நகர்(குஜராத்):ஆப்கான் நாட்டை தாலிபன்கள் தங்களது கட்டுப்பாட்டுக்குள் கொண்டுவந்துள்ளனர். இந்தச்சூழ்நிலையில், காபூலில் சிக்கியிருந்த இந்தியத் தூதர், உயர் அலுவலர்களை மீட்க சி-17 என்ற இந்திய ராணுவ விமானம் காபூல் சென்றது.
அந்த விமானம், இந்தியத் தூதர், தூதரக ஊழியர்கள் உள்ளிட்ட 120 பேருடன் கிளம்பி இன்று காலை 11.15-க்கு குஜராத் மாநிலம், ஜாம்நகரில் உள்ள விமானத்தளத்தில் பாதுகாப்பாக தரையிறங்கியது.
தரையிறங்கிய பின்னர் பேசிய ஆப்கானுக்கான இந்தியத் தூதர், கடினமான நிலையில், தங்களை பாதுகாப்பாக மீட்டுவந்த இந்திய விமானப் படைக்கு நன்றி எனத் தெரிவித்தார்.
ஆப்கானிஸ்தானில் உள்ள பல பிராந்தியங்களில் இருந்த இந்தியர்கள் தற்போது காபூல் விமான நிலையத்தில் காத்திருக்கின்றனர். அதுபோக, குருத்துவாராவிலும் தஞ்சம் புகுந்துள்ளனர்.
நாடு திரும்பிய இந்தியர்கள் வந்தே மாதரம் என நெகிழ்ச்சி முழக்கம்