கரோனா 2ஆவது அலையில் ஆக்சிஜன் பற்றாக்குறையால் ஏராளமான நோயாளிகள் உயிரிழந்தது குறித்து நாடாளுமன்றத்தில் காங்கிரஸ் எம்பி கே.சி. வேணுகோபால் கேள்வி எழுப்பினார். அவருக்கு ஒன்றிய சுகாதாரத் துறை இணை அமைச்சர் பாரதி பிரவீன் பவார் எழுத்துப்பூர்வமாகப் பதில் அளித்தார்.
அதில், "கரோனா இரண்டாம் அலையில், நாட்டில் ஆக்சிஜன் பற்றாக்குறையால் யாரும் இறக்கவில்லை என்பது மாநில அரசுகள், யூனியன் பிரதேசங்கள் அளித்த அறிக்கையிலிருந்து தெரியவருகிறது.
முதல் அலையின்போது சராசரியாக 3,095 மெட்ரிக் டன் ஆக்சிஜன் தேவைப்பட்ட நிலையில் 2ஆவது அலையில் ஒன்பதாயிரம் மெட்ரிக் டன் ஆக்சிஜன் தேவைப்பட்டது. இருப்பினும், மாநிலங்களுக்குத் தேவையான ஆக்சிஜனை ஒன்றிய அரசு உடனடியாகப் பிரித்து வழங்கியது.
மாநில அரசுகள், யூனியன் பிரதேசங்களுடனும், ஆக்சிஜன் உற்பத்தியாளர்கள், சப்ளையர்கள் ஆகியோருடனும் அவ்வப்போது கலந்தாய்வு செய்து, மாநிலங்களின் தேவையை அறிந்துதான் ஆக்சிஜன் அளவு ஒதுக்கீடுசெய்யப்பட்டது