மத்திய கல்வி அமைச்சர் ரமேஷ் பொக்ரியால் நாடு முழுவதும் உள்ள சி.பி.எஸ்.இ. பள்ளியில் பயிலும் மாணவர்கள், பெற்றோர்களிடம் காணொலி காட்சி மூலம் உரையாற்றினார். அப்போது நடப்பாண்டு 10 மற்றும் 12ஆம் வகுப்பு மாணவர்களின் பொதுத்தேர்வு குறித்து முக்கிய அறிவிப்பு ஒன்றை வெளியிட்டார்.
அதில், வரும் ஆண்டில் தேர்வை எதிர்கொள்ளும் மாணவர்களுக்கு உரிய நேரம் வழங்கப்படும் எனவும், மார்ச் மாதம் தான் தேர்வு வைக்க வேண்டும் என எந்தக் கட்டாயமும் இல்லை என்றார். கோவிட்-19 பெருந்தொற்றின் தாக்கத்திற்கு ஏற்றார்போல் தேர்வுகளுக்கான தேதிகள் தள்ளிவைக்கப்படும் எனவும் அவர் கூறினார்.