மூன்று நாள்கள் விடுமுறைக்குப் பிறகு, தமிழ்நாடு சட்டப்பேரவை இன்று (ஆக. 23) மீண்டும் கூடுகிறது. இன்றைய நாள் நீர்வளத் துறை மானியக் கோரிக்கை மீதான விவாதமும் வாக்கெடுப்பும் நடைபெறுகிறது.
தமிழ்நாட்டில் ஊரடங்கில் அளிக்கப்பட்டுள்ள புதிய தளர்வுகள் இன்றுமுதல் (ஆக. 23) நடைமுறைக்கு வருகின்றன. அதன்படி, திரையரங்குகள், கடற்கரைகள் திறக்கப்படுகின்றன. தமிழ்நாட்டிலிருந்து ஆந்திரா, கர்நாடகாவுக்கு அரசுப் பேருந்துகள் இயக்கப்பட உள்ளன.
சென்னை மெட்ரோ ரயில் சேவை நேரம் நீட்டிப்பு
சென்னை மெட்ரோ ரயில் சேவை நேரம் இன்றுமுதல் நீட்டிக்கப்பட்டுள்ளது. அதன்படி, காலை 5.30 மணிமுதல் இரவு 11 மணிவரை செயல்படும் என மெட்ரோ ரயில் நிர்வாகம் தெரிவித்துள்ளது.