ஜே.டி.யூ. புதிய தலைவருக்கு பாஜக வாழ்த்து

ஐக்கிய ஜனதாதளத்தின் புதிய தலைவராக பொறுப்பேற்ற ராம் சந்திர பிரசாத் சிங்கிற்கு பாஜக செய்தித் தொடர்பாளர் வாழ்த்து தெரிவித்துள்ளார்.

பிகாரின் ஆளும் கட்சியும், பாஜகவின் முக்கிய கூட்டணி கட்சியுமான ஐக்கிய ஜனதாதள கட்சியின் புதிய தலைவராக ராம் சந்திர பிராசத் சிங் நேற்று (டிச.27) பொறுப்பேற்றுள்ளார். இந்த நியமனத்தை அம்மாநில முதலமைச்சரும், முன்னாள் தலைவருமான நிதீஷ் குமார் வெளியிட்டார்.

புதிதாக பொறுப்பேற்றுள்ள ராம் சந்திர பிரசாத்துக்கு பாஜக சார்பில் அதன் செய்தித்தொடர்பாளரும், பிகார் சட்ட மேலவை உறுப்பினருமான சஞ்சய் மயூக் தனது வாழ்த்தை தெரிவித்துள்ளார். கடுமையான உழைப்பாளி ஒருவருக்கு இந்த பொறுப்பை தந்துள்ள நிதீஷ் குமாருக்கு பாராட்டுகள் எனவும் அவர் கூறியுள்ளார்.

ஐ.ஏ.எஸ் அதிகாரியான ராம் சந்திர பிரசாத், முதன் முதலில் பிகார் முதலமைச்சராக நிதீஷ் குமார் பொறுப்பு வகித்தபோது அவரின் முதன்மைச் செயலாளராக இருந்துள்ளார். அந்த காலகட்டத்தில் மாநில வளர்ச்சி பணிகள் தொடர்பான முக்கிய முடிவுகள், செயல்திட்டங்களை நிறைவேற்றியதன் காரணமாக அவர் மீது நிதீஷ் குமாருக்கு ஈர்ப்பு ஏற்பட்டு ராம் பிரசாத்தை கட்சியில் சேர்த்தார்.

இதையும் படிங்க:உணவு ஆர்டர் செய்து 50 ஆயிரம் ரூபாயைப் பறிகொடுத்த பெண்: பெங்களூரில் அதிர்ச்சி!