டெல்லி: குடியரசுத் தலைவர் தேர்தலுக்கான பாஜக கூட்டணி வேட்பாளராக திரௌபதி முர்மு அறிவிக்கப்பட்டுள்ளார். ஜார்க்கண்ட் மாநிலத்தின் ஆளுநராக இருந்த இவர், சந்தாலி எனும் பழங்குடி சமூகத்தைச் சேர்ந்தவர்.
2015ஆம் ஆண்டு முதல் 2021ஆம் ஆண்டு வரை ஜார்க்கண்ட் மாநில ஆளுநராக இருந்தார். இரண்டு முறை ஒடிஷா சட்டப்பேரவை உறுப்பினராகவும் இருந்துள்ளார். முர்மு தேர்தலில் வெற்றி பெற்றால், நாட்டின் முதல் பழங்குடியின குடியரசுத் தலைவர் ஆவார். குடியரசுத் தலைவர் வேட்பாளராக அறிவிக்கப்பட்ட முர்முவுக்குப் பல்வேறு தரப்பினரும் வாழ்த்துத் தெரிவித்தனர். முர்மு நாளை வேட்பு மனு தாக்கல் செய்யவுள்ளதாகத் தெரிகிறது.