உத்தரப் பிரதேசத்தைச் சேர்ந்த பிரபல கேங்க்ஸ்டர் முக்தார் அன்சாரிக்கு சிறையில் கோவிட்-19 பாதிப்பு உறுதியாகியுள்ளது. அம்மாநிலத்தின் பந்தா சிறையில் அடைக்கப்பட்டுள்ள அவருக்கு சிறையிலேயே சிகிச்சை அளிக்கப்படுவதாக சிறைத்துறை நிர்வாகம் தெரிவித்துள்ளது.
அவருடன் சேர்ந்த மேலும் 32 சிறைக்கைதிகளுக்கு கோவிட்-19 பாதிப்பு ஏற்பட்டுள்ளதாக உத்தரப் பிரதேச காவல்துறை தெரிவித்துள்ளது. பிரபல ரௌடியான முக்தார் அன்சாரி பின்னாளில் சமாஜ்வாதி கட்சியில் சேர்ந்துகொண்டார்.