பாலக்காடு : கேரள மாநிலம் பாலக்காட்டில் உள்ள சுட்டிபரா பகுதியில் உள்ள வீடு ஒன்றில் 3 வயது சிறுவன் உயிரிழந்த நிலையில் கண்டெடுக்கப்பட்டான். இது தொடர்பாக வழக்குப்பதிவு செய்து காவலர்கள் விசாரணை நடத்திவந்தனர். இந்த நிலையில், இந்தக் கொடூரச் செயலில் ஈடுபட்டது சிறுவனின் தாய் அசியா என்பது தெரியவந்தது.
அசியாவும், அவரது கணவர் முகம்மது ஷான் பிரிந்து வாழ்ந்துவந்துள்ளனர். ஷான் அவரது மனைவியை பிரிந்து சென்ற நிலையில் அசியா தனியாக வசித்துவந்துள்ளார். அப்போது அவருக்கு இளைஞர் ஒருவருடன் நட்பு ஏற்பட்டுள்ளது. நாளடைவில் இந்த நட்பு திருமணத்தை மீறிய உறவாக உருவெடுத்துள்ளது.