பாஜகவிலிருந்து இன்னும் ஏராளமானோர் வரவுள்ளனர் - மம்தா நம்பிக்கை

இன்னும் ஏராளமானோர் பாஜகவிலிருந்து விலகி திருணமூல் காங்கிரசில் இணைவார்கள் என்று அக்கட்சியின் தலைவரும், மேற்கு வங்க முதலமைச்சருமான மம்தா நம்பிக்கைத் தெரிவித்துள்ளார்.

திருணமூல் காங்கிரஸ் கட்சியின் முக்கியத் தலைவராக இருந்துவந்த முகுல் ராய், 2017இல் பாஜகவில் இணைந்தார். அக்கட்சியில் தேசிய துணைத் தலைவர் என்ற உயர் பதவி முகுல் ராய்க்கு வழங்கப்பட்டது.

இந்தச் சூழலில் நிலையில், 2019ஆம் ஆண்டு மக்களவைத் தேர்தலில் மேற்கு வங்க மாநிலத்தில் 18 இடங்களைக் கைப்பற்றி பாஜக மம்தாவுக்கு அதிர்ச்சி கொடுத்தது.

இதையடுத்து, 2021ஆம் ஆண்டு சட்டப்பேரவைத் தேர்தலை எதிர்கொண்ட பாஜக முன்னேற்றம் கண்டு எதிர்க்கட்சியானது. அபார வெற்றிபெற்ற மம்தா மூன்றாவது முறையாக முதலமைச்சரானார்.

பாஜகவிலிருந்து இன்னும் ஏராளமானோர் வரவுள்ளனர் - மம்தா நம்பிக்கை

இந்த நிலையில், முகுல் ராய் திருணமூல் காங்கிரசுக்கு மீண்டும் திரும்பியுள்ளார். அவருடன் அவரது மகன் சுப்ராங்சு ராயும் திருணமூல் காங்கிரசில் இணைந்துள்ளார்.

தற்போதைய சூழலில் யாரும் பாஜகவில் இருக்க மாட்டார்கள் என திருணமூல் காங்கிரசில் இணைந்தபின் முகுல் ராய் கூறினார்.

இது குறித்து மம்தா பேசுகையில், பாஜகவிலிருந்து இன்னும் ஏராளமானோர் திருணமூல் காங்கிரஸ் கட்சிக்கு வருவார்கள் என்று நம்பிக்கைத் தெரிவித்துள்ளார்.