'அமித் ஷாவின் மருமகன் நான்...' பணம் பறிக்க வேஷம் போட்ட நபர் கைது!

ஆக்ரா: மத்திய அமைச்சர் அமித் ஷாவின் மருமகன் என நடித்து பாஜக எம்எல்ஏவிடம் இருந்து பணம் பறிக்க முயன்ற நபர் கைது செய்யப்பட்டுள்ளார்.

மத்திய உள்துறை அமைச்சர் அமித் ஷாவின் மருமகன் என நடித்து பாஜக எம்எல்ஏ உபாத்யாவிடம் இருந்து பணம் பறிக்க நட்வர்லால் என்ற நபர் திட்டமிட்ட நிகழ்வு அதிர்ச்சியை ஏற்படுத்தியுள்ளது.

இவர் தன்னுடைய பெயரை விராஜ் சஹா என அறிமுகம் செய்துகொண்டு, பாஜக எம்எல்ஏ உபாத்தியாவிடம் இருந்து 40 ஆயிரம் பணத்தை உதவியாக கேட்டுள்ளார். மத்திய அமைச்சரின் மருமகன் என்று அவரும் பணம் கொடுக்க முன்வந்துள்ளார். ஆனால் அதன் பின்னர் விராஜ் நடவடிக்கைகளில் சந்தேகம் வரவே அவர் காவல் துறையில் புகாரளித்துள்ளார்.

இதனையடுத்து காவல் துறையினர் விராஜை அதிரடியாக கைதுசெய்து நீதிமன்றத்தில் ஆஜர்படுத்தினர். நட்வர்லால் ஏற்கெனவே இதேபோன்று மோசடியில் தொடர்ந்து ஈடுபட்டு பாஜக தலைவர்களை ஏமாற்றி வந்துள்ளார் என காவல் துறையினர் தெரிவித்தனர்.

இதையும் படிங்க:'ஹைதராபாத்தின் அடுத்த மேயர் பாஜகவைச் சேர்ந்தவர்தான்' - அமித் ஷா