டெல்லி : நாடாளுமன்றத்தில் கேள்வி எழுப்ப திரிணாமுல் காங்கிரஸ் கட்சியின் எம்.பி மஹுவா மொய்த்ரா, தொழிலதிபர்களிடம் பணம் மற்றும் பரிசுப் பொருட்கள் வாங்குவதாக பாஜக எம்.பி. நிஷிகாந்த் துபே மக்களவை சபாநாயகருக்கு கடிதம் எழுதி உள்ளார்.
பாஜ்க எம்பி நிஷிகாந்த் துபே, மக்களவை சபாநாயகருக்கு எழுதி உள்ள கடிதத்தில், திரிணாமுல் காங்கிரஸ் கட்சியின் பெண் எம்.பி மஹுவ மொய்த்ரா, நாடாளுமன்றத்தின் கேள்வி எழுப்ப தர்ஷன் ஹிரானன்தானி என்ற தொழிலதிபரிடம் பணம், பரிசுப் பொருட்கள் உள்ளிட்டவற்றை பெறுவதாக தெரிவித்து உள்ளார்.
இந்த விவகாரம் தொடர்பாக உரிய விசாரணை நடத்தி திரிணாமுல் காங்கிரஸ் கட்சியின் பெண் எம்.பி. மஹுவா மொய்த்ரா மீது நடவடிக்கை எடுக்குமாறு மக்களவை சபாநாயகருக்கு பாஜக எம்,பி நிஷிகாந்த் துபே கடிதம் எழுதி உள்ளதாக தெரிவிக்கப்பட்டு உள்ளது. மஹுவா மொய்த்ரா - தொழிலதிபர் தர்ஷன் ஹிரானன்தானி இடையே நடந்த சட்டவிரோத பரிமாற்றங்கள் குறித்த ஆதாரங்கள் தனக்கு கிடைத்து உள்ளதாக நிஷிகாந்த் துபே அந்த கடிதத்தில் தெரிவித்து உள்ளதாக கூறப்பட்டு உள்ளது.