மகாராஷ்டிரா தேர்தல்: பாஜக கோட்டையை தகர்த்த காங்கிரஸ்

மும்பை: மகாராஷ்டிராவில் பாஜகவின் கோட்டையாக கருதப்படும் நாக்பூர் டிவிசன் கிராட்ஜுவேட்ஸ் தொகுதி தேர்தலில் காங்கிரஸ் கட்சியைச் சேர்ந்த அபிஜித் வஞ்சாரி வெற்றி பெற்றுள்ளார்.

மகாராஷ்டிராவிலுள்ள நாக்பூர் டிவிசன் கிராட்ஜுவேட்ஸ் தொகுதிக்கு நடந்த தேர்தலுக்கான வாக்கு எண்ணிக்கை வியாழக்கிழமை தொடங்கியது. இன்று(டிச.3) மதியம் வரை நீடித்த வாக்கு எண்ணிக்கையின் முடிவில், காங்கிரஸ் கட்சியைச் சேர்ந்த அபிஜித் வஞ்சாரி சுமார் 18,910 வாக்குகள் வித்தியாசத்தில் வெற்றிபெற்றதாக அறிவிக்கப்பட்டுள்ளது.

இத்தேர்தலில் அபிஜித் வஞ்சாரி 61,701 வாக்குகளை பெற்றுள்ளார். இவரை எதிர்த்து போட்டியிட்ட பாஜகவின் சந்தீப் ஜோஷி 42,791 வாக்குகளை மட்டுமே பெற்றார். சுமார் 58 ஆண்டுகளாக பாஜக வசம் இருந்த இந்தத் தொகுதியை காங்கிரஸ் தற்போது கைபற்றியுள்ளது.

சுமார் 2 கோடி வாக்களர்களை கொண்ட இந்தத் தொகுதியில் 1,32,923 பேர் வாக்களித்திருந்தனர். இத்தேர்தலில் காங்கிரஸ், பாஜக வேட்பாளர்கள் என மொத்தம் 19 பேர் போட்டியிட்டனர்.

பாஜகவின் கோட்டையாக கருதப்பட்ட இந்த நாக்பூ டிவிசன், மகாராஷ்டிரா முன்னாள் முதலமைச்சர் தேவேந்திர ஃபட்னாவிஸின் சொந்த ஊராகும்.

இதையும் படிங்க:சுகாதார ஊழியர்களுக்கு முதலில் கரோனா தடுப்பு மருந்து - சுகாதார துறை