திருவனந்தபுரம்: வரதட்சணை குறித்து பல விழிப்புணர்வை ஏற்படுத்தினாலும், அதன் தாக்கமும், வேகமும் சாதி போல் குறையாமலே உள்ளது. அந்தவகையில் சமீபகாலமாக கேரள மாநிலத்தில் வரதட்சணை கொடுமையால் ஏற்படும் தற்கொலைகளின் எண்ணிக்கை அதிகரித்துள்ளன.
இதனை தடுக்கும் வகையில், மலப்புரம் மாவட்டத்தில் உள்ள கோழிக்கோடு பல்கலைக்கழகம், வரதட்சணை எதிர்ப்பு ஒப்பந்தம் செய்த பிறகே மாணவர்கள் கல்லூரிகளில் இணைய முடியும் என அறிவித்துள்ளது. வெறும் அறிவிப்போடு மட்டும் நிறுத்திக்கொள்ளாமல், வரதட்சணை வாங்கமாட்டேன், தரமாட்டேன் என மாணவர்கள் படிவத்தில் கையெழுத்து போட்ட பிறகே அவர்களுக்கு விண்ணப்பங்கள் விநியோகிக்கப்படுகின்றன.