குஜராத்: ஆம் ஆத்மி கட்சியின் தேசிய ஒருங்கிணைப்பாளரும், டெல்லி முதலமைச்சருமான அரவிந்த் கெஜ்ரிவால் இரண்டு நாள் பயணமாக குஜராத் சென்றுள்ளார். இந்த பயணம் அடுத்து வரக்கூடிய குஜராத் சட்டமன்ற தேர்தலுக்கான பிரச்சார பயணமாகும். இந்த பயணத்தின் ஒரு பகுதியாக அகமதாபாத்தில் நேற்று (செப்-12) நடந்த ஆட்டோ ஓட்டுநர்கள் சங்கக் கூட்டத்தில் கலந்து கொண்டார்.
அக்கூட்டத்தில் பேசிய ஆட்டோ ஓட்டுநர் விக்ரம் தண்டனி கெஜ்ரிவாலை தனது வீட்டிற்கு உணவு சாப்பிட வருமாறு அழைப்பு விடுத்தார். இதற்கு பதிலளித்த கெஜ்ரிவால், எத்தனை மணிக்கு வர வேண்டும் என கேட்டார். மேலும், ‘ என்னை நீங்களே ஆட்டோவில் வந்து அழைத்துச் செல்லுங்கள்’ எனக் கூறினார். இதனையடுத்து விக்ரம் அவரது ஆட்டோவுடன் இரவு 8 மணியளவில் தாஜ் ஸ்கை லைன் ஹோட்டலுக்கு சென்றார்.
ஆட்டோ டிரைவரின் அழைப்பை ஏற்று சென்ற அரவிந்த் கெஜ்ரிவால் - வைரலாகும் வீடியோ