Keerthy suresh: கேஜிஎப் தயாரிப்பாளர்களுடன் இணைந்த கீர்த்தி சுரேஷ்!!

நடிகை கீர்த்தி சுரேஷ் நடிக்கும் 'ரகுதாத்தா' திரைப்படத்தை ஹோம்பலே பிலிம்ஸ் நிறுவனம் தயாரிக்கிறது.

கேஜிஎஃப் 2' மற்றும் 'கந்தாரா' திரைப்படங்களைத் தயாரித்த ஹோம்பலே பிலிம்ஸ் நிறுவனம் நடிகை கீர்த்தி சுரேஷுடன் இணைந்து தமிழ் திரைப்படமான 'ரகுதாத்தா(Raghu thatha)' படத்தை தயாரிக்கின்றனர்.

நடிகை கீர்த்தி சுரேஷ்(Keerthy suresh) தனது இன்ஸ்டாகிராம் பக்கத்தில் "யேக் காவ் மே யெக் கிசான். ரகுதாத்தாஆ! அந்தா" என்ற கேப்ஷனுடன் இந்த படத்தின் பர்ஸ்ட் லுக் போஸ்டரை வெளியிட்டுள்ளார்.

ஃபேமிலி மேன் வெப் சீரிஸுக்கு திரைக்கதை எழுதிய சுமன் குமார் இந்த படம் மூலம் இயக்குனராக அறிமுகமாகிறார். ஒரு இளம் பெண் தன் மக்கள் மற்றும் நிலத்தின் அடையாளத்தைப் பாதுகாக்க ஒரு சவாலான பயணத்தை மேற்கொள்ளும் போது நடக்கும் வேடிக்கையான, எழுச்சியூட்டும் சம்பவங்களே இப்படத்தின் கதையாகும்.

மேலும் இது பலரின் இதயங்களைத் தொடும் ஒரு பெண்ணை மையமாகக் கொண்ட கதை. 'ரகுதாத்தா' திரைப்படம் 2023 கோடையில் திரையரங்குகளில் வெளியாகும் என எதிர்பார்க்கப்படுகிறது.

தயாரிப்பாளர் விஜய் கிரகந்தூர் 'ரகுதாத்தா' பற்றி கூறியதாவது, 'ரகுதாத்தா, நெறிமுறைகளைச் சவால் செய்து, தனது கொள்கைகளை நிலைநிறுத்தி, அவற்றுக்காகப் போராடி, இறுதியில் அனைவருக்கும் உத்வேகம் அளிக்கும் வலிமையான மற்றும் உறுதியான பெண்ணைப் பற்றிய நகைச்சுவை படம். கீர்த்தியின் திறமை மற்றும் பன்முகத்தன்மையைக் கருத்தில் கொண்டு இந்தப்படத்தில் கதாநாயகியாக நடிக்கத் தேர்வு செய்தோம்’ என கூறினார்.

இதையும் படிங்க: நடிக்காத படத்திற்கு போஸ்டர்.. பொங்கி எழுந்த யோகி பாபு.. ஆடியோவில் கூறியது என்ன..?