கர்நாடக முதலமைச்சருக்கு கரோனா பாதிப்பு

கர்நாடக மாநில முதலமைச்சர் பசவராஜ் பொம்மை தனக்கு கரோனா தொற்று ஏற்பட்டுள்ளதாகச் சமூக வலைதளத்தில் அறிவித்துள்ளார்.

நாட்டில் கடந்த சில வாரங்களாக கரோனா, ஒமைக்ரான் வைரஸ் தொற்றால் பாதித்தவர்களின் எண்ணிக்கை அதிகரித்துவருகிறது. அதன்படி கடந்த 24 மணி நேரத்தில் நாட்டில் ஒரேநாளில் ஒரு லட்சத்து 79 ஆயிரம் பேருக்குப் புதிதாக கரோனா பாதிப்பு ஏற்பட்டுள்ளது.

இந்நிலையில் கர்நாடக மாநில முதலமைச்சர் பசவராஜ் பொம்மைக்கு கரோனா தொற்று ஏற்பட்டுள்ளது. இது குறித்து அவர் தனது ட்விட்டர் பக்கத்தில், "எனக்கு லேசான அறிகுறிகளுடன் கோவிட்-19 பாதிப்பு இருப்பது உறுதியாகியுள்ளது.

எனது உடல்நிலை நன்றாக உள்ளது. நான் வீட்டில் தனிமைப்படுத்திக் கொண்டேன். சமீபத்தில் என்னுடன் தொடர்புகொண்ட அனைவரும் தங்களைத் தனிமைப்படுத்தி, பரிசோதனை செய்துகொள்ளுங்கள்" எனக் குறிப்பிட்டுள்ளார்.

கர்நாடக மாநிலத்தின் இன்று (ஜனவரி 10) ஒரேநாளில் 11,698 பேருக்கு கரோனா தொற்று ஏற்பட்டுள்ளது என்பது குறிப்பிடத்தக்கது.

இதையும் படிங்க:பாதுகாப்புத்துறை அமைச்சர் ராஜ்நாத் சிங்குக்கு கரோனா!