ஐக்கிய அரபு அமீரகத்தின் சார்ஜா நகரிலிருந்து உத்தரப் பிரதேச மாநிலம் லக்னோவுக்கு வந்துகொண்டிருந்த 6E 1412 இண்டிகோ விமானம் திடீரென பாகிஸ்தானின் கராச்சி விமான நிலையத்தில் தரையிறக்கப்பட்டது. விமானத்திலிருந்த பயணி ஒருவருக்கு திடீரென உடல்நலக்குறைவு ஏற்பட்டுள்ளது.
இதையடுத்து விமானி உடனடியாக வழித்தடத்தை மாற்றி, கராச்சியில் அவசர அவசரமாகத் தரையிறக்கினார். விமான நிலைய மருத்துவர் பயணியைப் பரிசோதித்ததில் உயிரிழந்துவிட்டார் எனத் தெரியவந்துள்ளது.