இந்தியாவில் புதிதாக 11,903 பேருக்கு கரோனா தொற்று!

கடந்த 24 மணிநேரத்தில் 11 ஆயிரத்து 903 பேருக்கு கரோனா தொற்று பாதிப்புகளும், 311 உயிரிழப்புகளும் பதிவாகியுள்ளதாக ஒன்றிய சுகாதார அமைச்சகம் அறிவிப்பு வெளியிட்டுள்ளது.

டெல்லி: ஒரே நாளில் 11 ஆயிரத்து 903 பேருக்கு புதிதாக கரோனா பாதிப்பு ஏற்பட்டுள்ளது. இதனால் மொத்த பாதிப்பு மூன்று கோடியே 36 லட்சத்து 97 ஆயிரத்து 740 ஆக அதிகரித்துள்ளது.

நாடு முழுவதும் கடந்த 24 மணி நேரத்தில் கரோனாவால் 311 பேர் உயிரிழந்துள்ள நிலையில், மொத்த உயிரிழப்புகள் நான்கு லட்சத்து 59 ஆயிரத்து 191 ஆக உயர்ந்துள்ளது. கடந்த 24 மணி நேரத்தில் கரோனாவால் குணமடைந்தோர் எண்ணிக்கை 14 ஆயிரத்து 159 ஆக உள்ளது.

இதனால் குணமடைந்தோரின் மொத்த எண்ணிக்கை மூன்று கோடியே 36 லட்சத்து 97 ஆயிரத்து 740 ஆக உள்ளது. நாடு தழுவிய தடுப்பூசி இயக்கத்தின் கீழ் இதுவரை 107 கோடியே 29 லட்சத்துக்கும் மேற்பட்ட தடுப்பூசி டோஸ்கள் செலுத்தப்பட்டுள்ளன.

இதுவரை 61.12 கோடி பேருக்கு கரோனா பரிசோதனை மேற்கொள்ளப்பட்டுள்ளது.

இதையும் படிங்க:இடைத்தேர்தல் 2021: மே.வங்கத்தில் மம்தா; இமாச்சல், ராஜஸ்தானில் காங்கிரஸ்; அசாமில் பாஜக