கரோனா நிலவரம்: ஒரே நாளில் 38,792 பேருக்கு பாதிப்பு

கடந்த 24 மணி நேரத்தில் புதிதாக 38 ஆயிரத்து 792 பேருக்கு கரோனா தொற்று உறுதி செய்யப்பட்டுள்ளதாக சுகாதாரத்துறை அமைச்சகம் தெரிவித்துள்ளது.

தினசரி கரோனா பாதிப்பு நிலவரத்தை ஒன்றிய சுகாதாரத் துறை அமைச்சகம் இன்று (ஜூலை 14) வெளியிட்டுள்ளது. அதன்படி, கடந்த 24 மணி நேரத்தில் புதிதாக 38 ஆயிரத்து 792 பேருக்கு கரோனா தொற்று உறுதி செய்யப்பட்டுள்ளது.

கரோனா பாதிப்பு நிலவரம்

இதையடுத்து நாட்டின் மொத்தப் பாதிப்பு எண்ணிக்கை மூன்று கோடியே ஒன்பது லட்சத்து 46 ஆயிரத்து 074ஆக அதிகரித்துள்ளது. தற்போது நான்கு லட்சத்து 29 ஆயிரத்து 946 பேர் சிகிச்சை பெற்று வருகின்றனர். நேற்று 624 பேர் கரோனாவால் உயிரிழந்த நிலையில், நாட்டின் மொத்த கரோனா இறப்பு எண்ணிக்கை நான்கு லட்சத்து 11

ஆயிரத்து 408 ஆக உயர்ந்துள்ளது. கடந்த 24 மணி நேரத்தில் 41 ஆயிரம் பேர் நோய்த்தொற்றில் இருந்து குணமடைந்து வீடு திரும்பியுள்ளனர்.

பரிசோதனை, தடுப்பூசி நிலவரம்

கரோனா பரிசோதனை விவரம் குறித்து இந்திய மருத்துவ ஆராய்ச்சிக் கழகம் வெளியிட்டுள்ள அறிக்கையில், இதுவரை (ஜூலை 8) ஆம் தேதி வரை நாட்டில் 43 கோடியே 59 லட்சத்துக்கும் மேற்பட்டோருக்கு பரிசோதனை செய்யப்பட்டுள்ளது. இதில் நேற்று (ஜூலை 13) மட்டும் 19 லட்சத்து 15 ஆயிரத்து 501 பேருக்கு பரிசோதனை மேற்கொள்ளப்பட்டது.

கடந்த 24 மணிநேரத்தில் 37 லட்சத்து 14 ஆயிரத்து 441 பேருக்கு தடுப்பூசி செலுத்தப்பட்டுள்ளன. இதுவரை மொத்தம் 38 கோடியே 76 லட்சத்து 97 ஆயிரத்து 935 தடுப்பூசி டோஸ்கள் செலுத்தப்பட்டுள்ளன.

இதையும் படிங்க:ராகுல் - பி.கே. சந்திப்பு... தேர்தலுக்கு தயாராகிறதா காங்கிரஸ்?