இந்தியாவில் 80ஆயிரமாக குறைந்த கரோனா பாதிப்பு

இந்தியாவில் கடந்த 24 மணி நேரத்தில், கரோனா தொற்று பாதிப்பால் 3,303 பேர் உயிரிழந்துள்ளனர்.

இந்தியாவில், கடந்த 24 மணி நேரத்தில் 80 ஆயிரத்து 834 பேர் கரோனா தொற்றால் பாதிக்கப்பட்டுள்ளனர். இதன்மூலம் மொத்தப் பாதிப்பு எண்ணிக்கை இரண்டு கோடியே 94 லட்சத்து 39ஆயிரத்து 929ஆக உள்ளது.

கேரளா, கர்நாடகா, ஆந்திரா, தமிழ்நாடு ஆகிய மாநிலங்களில் அதிகளவில் கரோனா தொற்று பாதிப்புகள் கண்டறியப்பட்டுள்ளன.

இந்தியாவில் நேற்று (ஜுன்.12) மட்டும் 3,303 பேர் சிகிச்சைப் பலனின்றி உயிரிழந்த நிலையில், உயிரிழந்தோரின் மொத்த எண்ணிக்கை மூன்று லட்சத்து 70 ஆயிரத்து 384ஆக உயர்ந்துள்ளது.

மேலும் தொற்றிலிருந்து குணமடைந்தோரின் எண்ணிக்கை, இரண்டு கோடியே 80 லட்சத்து 43 ஆயிரத்து 448ஆக உள்ளது. தற்போதுவரை 10 லட்சத்து 26 ஆயிரத்து 159 பேர் சிகிச்சைப் பெற்று வருகின்றனர்.

இதுவரை, மொத்தமாக 25 கோடியே 31 லட்சத்து 95 பேருக்குத் தடுப்பூசிகள் செலுத்தப்பட்டுள்ளதாக மத்திய சுகாதாரத் துறை அமைச்சகம் தகவல் தெரிவித்துள்ளது.

இதையும் படிங்க:பிரதமர் நரேந்திர மோடி ஒரு கோழை- பிரியங்கா காந்தி