Harbhajan Singh announces retirement:இந்திய கிரிக்கெட் அணியின் 'லேஜண்டிரி ஸ்பின்னர்' ஹர்பஜன் சிங் அனைத்து கிரிக்கெட் போட்டிகளில் இருந்தும் ஓய்வு பெறப் போவதாக தனது ட்விட்டர் பக்கத்தில் அறிவித்துள்ளார்.
கடந்த சில வாரங்களாகவே ஹர்பஜனின் ஓய்வு குறித்து பேசப்பட்டது. இந்நிலையில் அவரே ஓய்வு குறித்த தகவலைப் பகிர்ந்துள்ளார்.
இதனை குறித்த தனது ட்விட்டர் பக்கத்தில் ஹர்பஜன் சிங் கூறியிருப்பதாவது,
‘அனைத்து நல்ல செயல்களும் இன்றுடன் முடிவடைகிறது. எனக்கு எல்லாவற்றையும் அளித்த கிரிக்கெட்டிடமிருந்து நான் விடைப்பெற்றுக் கொள்கிறேன்.
இந்த அழகான 23 ஆண்டுகள் பயணத்தை வழங்கிய அனைவருக்கும் நன்றி. என் இதயம் கனிந்த நன்றியை அனைவருக்கும் தெரிவித்துக் கொள்கிறேன்’ என்று பதிவு செய்து இருந்தார்.
இந்தியாவின் சிறந்த ஸ்பின்னர்-ஹர்பஜன்
ஹர்பஜன் சிங் 1998ஆம் அண்டு மார்ச் 25ஆம் தேதி, தனது முதல் டெஸ்ட் போட்டியில் அறிமுகம் ஆனார்.
2015ஆம் ஆண்டு ஆகஸ்ட் மாதம் 12 முதல் 15ஆம் தேதி வரை நடைபெற்ற இலங்கைக்கு எதிரான டெஸ்ட் போட்டியில் இறுதியாக விளையாடினார்.