காஷ்மீரில் ராணுவ ஹெலிகாப்டர் விபத்து; விமானி உயிரிழப்பு

வடக்கு காஷ்மீரில் ஏற்பட்ட ராணுவ ஹெலிகாப்டர் விபத்தில், விமானி உயிரிழந்ததை அடுத்து துணை விமானி பாதுகாப்பாக மீட்கப்பட்டார்.

பந்திப்போரா (ஜம்மு காஷ்மீர்): வடக்கு காஷ்மீரின் பந்திப்போரா மாவட்டத்தில் உள்ளது, குரேஸ் பள்ளத்தாக்கு. அப்பகுதியில் இன்று நண்பகலில் ராணுவ ஹெலிகாப்டர் ஒன்று விபத்துக்குள்ளாகியுள்ளது.

அங்கு மீட்புப்பணிகள் நடைபெற்று வரும் நிலையில், விமானி உயிரிழந்துவிட்டார் என்றும்; துணை விமானி உயிருடன் மீட்கப்பட்டார் என்றும் தகவல் உறுதியாகியுள்ளது.

பயணத்தின்போது ராணுவ ஹெலிகாப்டர் உடனான தொடர்பு தடைபட்டதாகவும், விபத்து குறித்த விவரங்களை சேகரித்து வருகிறோம் எனவும் குரேஸ் பகுதியின் சார்பு ஆட்சியர் தெரிவித்துள்ளார்.