மீண்டும் பொதுமுடக்கமா? நிர்மலா சீதாராமன் பதில்

நாட்டில் கரோனா பாதிப்புகள் அதிகரித்துவரும் நிலையில் மீண்டும் பொதுமுடக்கம் வருமா? என்பது குறித்து நிதியமைச்சர் நிர்மலா சீதாராமன் தெளிவுப்படுத்தியுள்ளார்.

டெல்லி: நாட்டில் அதிகரித்து வரும் கரோனா வைரஸ் பாதிப்புகளுக்கு மத்தியில், நிதியமைச்சர் நிர்மலா சீதாராமன், “அரசாங்கம் பெரிய அளவில் பொதுமுடக்கம் (பூட்டுதல்) போன்ற நடவடிக்கைகளுக்கு செல்லாது, கட்டுப்பாட்டை மட்டுமே நாடுகிறது என்று செவ்வாய்க்கிழமை (ஏப்.13) தெளிவுபடுத்தினார்.

உலக வங்கி குழுமத் தலைவர் டேவிட் மால்பாஸுடனான ஒரு காணொலி சந்திப்பில் நிதியமைச்சர் நிர்மலா சீதாராமன் கலந்துகொண்டார். அப்போது, “இந்தியாவின் அபிவிருத்திக்கு நிதி கிடைப்பதை மேம்படுத்துவதற்காக கடன் வழங்கும் இடத்தை அதிகரிக்க உலக வங்கியின் முன்முயற்சிகளைப் பாராட்டினார்.

தொடர்ந்து, “நாட்டில் இரண்டாவது அலை நிலவுகிறது. நாங்கள் பெரிய அளவில் பூட்டுதல்களுக்கு (பொதுமுடக்கம்) செல்லவில்லை என்பது எங்களுக்குத் தெளிவாகத் தெரியும். பொருளாதாரத்தை முற்றிலுமாக முடக்க நாங்கள் விரும்பவில்லை. தனிமைப்படுத்தப்பட்ட நபர்களைக் கொண்ட நோயாளிகள் அல்லது வீடுகளின் உள்ளூர் மட்ட தனிமைப்படுத்தல் நெருக்கடி கையாளப்படும் முறைகள், இரண்டாவது அலை கையாளப்படும். ஒரு பொதுமுடக்கம் இருக்காது” என்றார்.

நாடு முழுவதும் தினசரி கரோனா பாதிப்புகள் தொடர்ந்து அதிகரித்துவருகின்றன. கடந்த வாரத்தில் ஒருநாளில் ஒன்னரை லட்சம் பாதிப்புகள் பதிவாகியுள்ளன. அன்றைய தினம் சுகாதார அமைச்சகத்தின் தகவலின்படி ஒரு லட்சத்து 61 ஆயிரத்து 736 பாதிப்புகள் ஏற்பட்டன.

நாட்டில் மொத்த பாதிப்பு ஒரு கோடியே 36 லட்சத்து 89 ஆயிரத்து 453 பாதிப்புகள் ஏற்பட்டுள்ளன. அதேநேரம் மீட்பு சதவீதம் 89.51 ஆக குறைந்துள்ளது.

இதையும் படிங்க: ஸ்கேட்டிங்கில் பங்காரா நடனம் ஆடிய மாணவி!