உடல்நலக்குறைவு ஏற்பட்ட விமான பயணிக்கு முதலுதவி செய்த ஆளுநர் தமிழிசை!

தெலுங்கானா ஆளுநர் தமிழிசை சௌந்தரராஜன் விமான பயணத்தின்போது உடல்நலக்குறைவு ஏற்பட்ட நபருக்கு முதலுதவி சிகிச்சை அளித்தார்.

உத்தரபிரதேச மாநிலம் வாரணாசி சென்றிருந்த தெலங்கானா ஆளுநர் தமிழிசை சௌந்தரராஜன், கடந்த 22ஆம் தேதி இரவு டெல்லி-ஹைதராபாத் செல்லும் இண்டிகோ விமானத்தில் தெலுங்கானா திரும்பினார்.

அந்த பயணத்தின் போது விமானத்தில் ஒருவருக்கு நெஞ்சு வலி ஏற்பட்டது. இதை கவனித்த விமான ஊழியர்கள், பயணிகளில் மருத்துவர்கள் யாராவது இருக்கிறார்களா? என கேட்டனர்.

இதையடுத்து ஆளுநர் தமிழிசை உடனடியாக சென்று, பாதிக்கப்பட்டவருக்கு முதலுதவி சிகிச்சை அளித்தார். இதனால் நிவாரணம் பெற்ற நபரும், சக பயணிகளும் தமிழிசைக்கு நன்றி தெரிவித்தனர்.