சுற்றுச்சுவர் இடிந்து விழுந்து விபத்து - 4 பேர் உயிரிழப்பு, 8 பேர் படுகாயம்!

நொய்டாவில் குடியிருப்பு வளாகத்தின் சுற்றுச்சுவர் இடிந்து விழுந்த விபத்தில், 4 பேர் உயிரிழந்தனர்.

நொய்டா: உத்தரப்பிரதேச மாநிலம், நொய்டாவில் இன்று(செப்.20) குடியிருப்பு வளாகத்தின் சுற்றுச்சுவர் திடீரென இடிந்து விழுந்தது. இதில் சுவற்றின் அருகில் இருந்த பலர் இடிபாடுகளில் சிக்கிக்கொண்டனர்.

இதுகுறித்து தகவலறிந்து சம்பவ இடத்துக்குச் சென்ற மீட்புப்படையினர் இடிபாடுகளில் சிக்கியவர்களை மீட்கும் பணியில் ஈடுபட்டனர். ஜேசிபி இயந்திரத்தின் உதவியுடன் இடிபாடுகள் அகற்றப்பட்டு, அதில் சிக்கியவர்களை மீட்டனர்.

இதில் 4 பேர் உயிரிழந்தனர். 8 பேர் படுகாயங்களுடன் மீட்கப்பட்டனர். இடிபாடுகளில் சிக்கிய அனைவரும் தொழிலாளர்கள் எனத் தெரியவந்துள்ளது.