லக்னோ: உத்தரப் பிரதேசத்தைச் சேர்ந்த கல்லூரி மாணவிகள் நான்குபேர்திங்கள் முதல் காணாமல்போயுள்ளனர். காணாமல்போன நான்கு பேரும் ஆர்யா கன்யா கல்லூரியில் ஒன்றாகப் படித்துவருபவர்கள். கல்லூரி நேரம் முடிந்து நீண்ட நேரமாகியும் வீடு திரும்பாததால், மாணவிகளின் பெற்றோர் காவல் நிலையத்தில் புகார் அளித்துள்ளனர்.
அதனடிப்படையில் வழக்குப்பதிவு செய்து காவல் துறையினர் விசாரணை மேற்கொண்டனர். மேலும், கல்லூரியைச் சுற்றியுள்ள பகுதிகளில் பொருத்தப்பட்ட கண்காணிப்புக் கேமராவில் பதிவான காட்சிகளையும் ஆய்வுசெய்தனர்.