கர்நாடகா மாநிலம் யாத்கிர் மாவட்டம் சாகாபூரில் உள்ள பண்ணை குட்டை ஒன்றில், ஒரே குடும்பத்தைச் சேர்ந்த 6 பேர் தற்கொலை செய்துகொண்டுள்ளதாக அப்பகுதி காவல்துறையினருக்கு தகவல் கிடைத்தது.
அந்தத் தகவலையடுத்து அங்குவிரைந்த காவல்துறையினர், 6 பேரின் உடல்களையும் மீட்டு அருகிலுள்ள அரசு மருத்துவமனைக்கு அனுப்பி வைத்தனர். முதல்கட்ட தகவலில், உயிரிழந்தவர்கள் பீமராயா சூரபுரா(45), சாந்தம்மா(36) அவர்களது குழந்தைகள் சுமித்ரா(13) ஸ்ரீதேவி(12), சிவராஜ்(9), லட்சுமி(8) என்பதும் தெரியவந்துள்ளது.