திமுக தேர்தல் அறிக்கை
திமுகவின் தேர்தல் அறிக்கையை மு.க.ஸ்டாலின் இன்று வெளியிட உள்ளார். இந்தத் தேர்தல் அறிக்கையில் வாக்காளர்களை கவரும் வகையில் பல்வேறு திட்டங்கள் இடம்பெற வாய்ப்புள்ளது.
பாஜக வேட்பாளர் பட்டியல்
பாஜகவின் மத்திய தேர்தல் குழு கூட்டம், இன்று டெல்லியில் ஆலோசனை நடத்துகிறது. இதில், தமிழ்நாடு உள்ளிட்ட ஐந்து மாநில சட்டப்பேரவைத் தேர்தலுக்கான, வேட்பாளர்களின் பெயர்கள் இறுதிச் செய்யப்பட்டு, அதிகாரப்பூர்வமாக அறிவிக்கப்பட உள்ளன.
வங்கி ஊழியர்கள் வேலைநிறுத்தம்
மத்திய பட்ஜெட்டில் இரண்டு பொதுத்துறை வங்கிகள் தனியார்மயம் ஆக்கப்படுவதாக அறிவிக்கப்பட்டதற்கு, எதிர்ப்பு தெரிவித்து திட்டமிட்டபடி மார்ச் 15, 16ஆம் தேதிகளில் நாடு தழுவிய வேலைநிறுத்தத்தில் ஈடுபடப் போவதாக வங்கி ஊழியர்கள் சங்கம் அறிவித்துள்ளன. இன்று 2ஆவது சனிக்கிழமை, நாளை ஞாயிறு என்பதால் வங்கிகளுக்கு விடுமுறை. திங்கள், செவ்வாய் கிழமைகளிலும் வேலைநிறுத்தம் நடக்க உள்ளதால், இன்று முதல் 16-ம் தேதி வரை 4 நாள்கள் பொதுத்துறை வங்கிகள் செயல்படாது.
நிர்மலா சீதாராமன் சென்னை வருகை
மத்திய நிதி அமைச்சர் நிர்மலா சீதாராமன், இன்று சென்னை வருகிறார்; பாஜகவின், டிஜிட்டல் வழி பரப்புரையை தொடங்கி வைத்து உரையாற்ற இருக்கிறார்.
ஐஎஸ்எல் இறுதிப் போட்டி
ஐஎஸ்எல் கால்பந்து தொடரின் இறுதிப் போட்டி இன்று கோவாவில் உள்ள பதோர்தா மைதானத்தில் நடைபெறுகிறது. மும்பை சிட்டி எப்சி - ஏடிகே மோகன் பகான் அணிகள் இன்று இரவு 7.30 மணி பலப்பரீட்சை நடத்துகின்றன.