ஸ்ரீநகர்: பந்திபோராவின் சண்டாஜி பகுதியில் இன்று காலை பாதுகாப்புப் படையினருக்கும் பயங்கரவாதிகளுக்கும் இடையே துப்பாக்கிச் சண்டை நடைபெற்றது.
இதில் அடையாளம் தெரியாத பயங்கரவாதி ஒருவர் சுட்டு வீழ்த்தப்பட்டார். இதனைக் காஷ்மீர் மண்டல காவல் துறையினர் உறுதிசெய்துள்ளனர்.
இது குறித்து காஷ்மீர் மண்டல காவல் துறை ட்விட்டரில், "பந்திபோரா என்கவுன்டர் அப்டேட்: அடையாளம் தெரியாத பயங்கரவாதி வீழ்த்தப்பட்டார். தேடுதல் பணி தொடர்கிறது" எனக் குறிப்பிடப்பட்டுள்ளது.
காஷ்மீர் மண்டல காவல் துறை மூத்த அலுவலர் ஒருவர் இதுபற்றி கூறுகையில், "வடக்கு காஷ்மீர் பந்திபோராவின் சண்டாஜி பகுதியில் பயங்கரவாதிகளின் நடமாட்டம் இருப்பதாகத் தகவல் கிடைத்தது. இதன்பேரில் அங்குப் பாதுகாப்புப் படையினர் தீவிர தேடுதல் வேட்டையில் ஈடுபட்டனர்.
சந்தேகப்படும் பகுதியைப் பாதுகாப்புப் படையினர் நெருங்கி வந்தபோது அங்கு மறைந்திருந்த பயங்கரவாதிகள் துப்பாக்கியால் சரமாரியாகச் சுட்டனர். இதையடுத்து, சுதாரித்துக்கொண்ட வீரர்கள் உரிய பதிலடி கொடுத்தனர்" என்றார்.
இதையும் படிங்க: மீண்டும் தலைதூக்கும் கரோனா: நாளை அமைச்சரவைக் கூட்டம்