முன்னாள் முதலமைச்சர் நாராயணசாமியை சந்தித்து வாழ்த்து பெற்ற திமுக எம்.எல்.ஏக்கள்

புதுச்சேரி: சட்டப்பேரவைத் தேர்தலில் வெற்றிப்பெற்ற திமுக சட்டப்பேரவை உறுப்பினர்கள் முன்னாள் முதலமைச்சர் நாராயணசாமியை சந்தித்து வாழ்த்து பெற்றனர்.

புதுச்சேரி சட்டப்பேரவைத் தேர்தலில் தேசிய ஜனநாயகக் கூட்டணியுடன் இணைந்து போட்டியிட்ட என்.ஆர் காங்கிரஸ் 10 தொகுதிகளையும், பாஜக ஆறு தொகுதிகளையும் கைப்பற்றியது. புதுச்சேரி முதலமைச்சராக ரங்கசாமி நாளை மறுநாள் (7ஆம் தேதி) பொறுப்பேற்க உள்ளார்.

காங்கிரஸ் கூட்டணி கட்சி சார்பில் 13 இடங்களில் போட்டியிட்ட திமுக 6 இடங்களில் வெற்றி பெற்றது. இந்த நிலையில் திமுகவில் வெற்றி பெற்ற சட்டப்பேரவை உறுப்பினர்கள் சிவா, ஹன்னிபால் கென்னடி, சம்பத் ஆகியோர் முன்னாள் முதலமைச்சர் நாராயணசாமியை அவரது வீட்டில் சந்தித்து வாழ்த்து பெற்றனர்.