டெல்லி:டெல்லி மெட்ரோ ரயில் கார்ப்பரேஷன் சமீபத்தில் மெட்ரோ ரயில்களில் வீடியோக்கள் மற்றும் அநாகரிகமான செயல்களை படம் பிடிப்பதற்கு எதிராக எச்சரிக்கை விடுத்திருந்தது. இந்தியாவின் மிகப்பெரிய மெட்ரோ நிலையமான டெல்லியில் பல விநோத சம்பவங்கள் நடந்த வண்ணம் இருகிறது. அதனை வீடியோ எடுத்து சமூக வலைதளங்களில் பதிவிட்டு வைரல் ஆவதும் நடந்துகொண்டே உள்ளது.
இது போன்ற செயல்களுக்கு எதிராக எச்சரிக்கை விடுக்கப்பட்ட உடனேயே,நேற்று (ஜூன் 18) டெல்லி மெட்ரோவில் பயணித்து கொண்டிருந்த ஒரு பெண் ஹேர் ஸ்ட்ரெய்ட்னரைப் (hair straightener) பயன்படுத்துவதைக் காட்டும் புதிய வீடியோ சமூக ஊடகங்களில் வைரலாகியது. டெல்லி மெட்ரோவில் நடந்த தொடர் விநோதச் சம்பவங்கள் சமீபத்தில் தலைப்புச் செய்தியாக வந்ததை அடுத்து இந்த வீடியோவும் அதனுடன் இணைந்துள்ளது.
அந்த வீடியோவில், டெல்லி மெட்ரோவில் ஒரு இளம்பெண் ஹேர் ஸ்ட்ரெய்ட்னரைப் (hair straightener) பயன்படுத்துகிறார். வீடியோவில் உள்ள அந்தப் பெண் மற்ற பயணிகளுடன் நின்று, தனது தலைமுடியை நேராக்குவதைப் பற்றி எதுவும் நினைக்காமல் மற்றவர்களின் முன்னிலையில் கவலைப்படுவதாகவும் தெரியவில்லை.
இதையும் படிங்க:நேபாளத்தின் சிங்கப்பெண்: ஆசிட் வீச்சு முதல் மக்கள் பிரதிநிதிவரை!