மது பாட்டிலுக்குள் தவளை... மதுப்பிரியர்கள் அதிர்ச்சி...

சத்தீஸ்கர் மாநிலத்தில் மதுபாட்டிலில் தவளை கிடந்த சம்பவம் மதுப்பிரியர்கள் இடையே அதிர்ச்சியை ஏற்படுத்தியுள்ளது.

கோர்பா:தீபாவளி பண்டிகையை முன்னிட்டு நாடு முழுவதும் மது விற்பனை அமோகமாக நடந்தது. அந்த வகையில் சத்தீஸ்கர் மாநிலம் கோர்பா மாவட்டம், ஹார்டி பஜார் பகுதியில் உள்ள ஒரு அரசு மதுபானக் கடையில் இளைஞர் ஒருவர் மது வாங்கியுள்ளார். அதன்பின் அந்த பாட்டிலில் மது உடன் தவளையின் உடல் மிதந்துகொண்டிருந்ததை கண்டு அதிர்ச்சியடைந்தார்.

இதுகுறித்து கடை ஊழியர்களிடம் முறையிட்டுள்ளார். அதன்பின் அவருக்கு மற்றொரு பாட்டிலை ஊழியர்கள் கொடுத்து அனுப்பியுள்ளனர். இதனிடையே இந்த சம்பவம் தொடர்பான வீடியோ மற்றும் புகைப்பட்டங்கள் சமூக வலைதளங்களில் வைராகி சர்ச்சையை கிளப்பின.

இதுகுறித்து அந்த அரசு மதுபானக் கடையின் மேலாளர் அமித் ரத்தோர் கூறுகையில், "கிடங்கிலிருந்து வரும் மதுபாட்டில்கள் அனைத்தும் பரிசோதனைக்குப் பின்னரே விற்பனைக்கு கொண்டு வரப்படுகிறது. இதுபோன்ற சம்பவம் நடந்திருப்பது இதுவே முதல்முறையாகும். இந்த சம்பவம் குறித்து உரிய விசாரணை செய்யப்படும் என்று தெரிவித்தார்.

இதையும் படிங்க: எட்டு துணைவேந்தர்கள் அந்தந்த பதவிகளில் தொடரலாம் - கேரள உயர் நீதிமன்றம்