தாவூத் இப்ராஹிம் சகோதரர் கைது!

நிழல் உலக தாதா தாவூத் இப்ராஹிமின் சகோதரர் இக்பால் கைது செய்யப்பட்டுள்ளார். அவரிடம் காவலர்கள் விசாரணை நடத்திவருகின்றனர்.

மும்பை: மும்பை நிழல் உலக தாதா தாவூத் இப்ராஹிமின் சகோதரர் இக்பால் கஸ்கர். இவர் மீதும் கொலை, கொள்ளை, கடத்தல் உள்ளிட்ட பல்வேறு வழக்குகள் நிலுவையில் உள்ளன.

இதையடுத்து இவர் கைது செய்யப்பட்டு தானேவில் உள்ள சிறையில் அடைக்கப்பட்டார். இந்நிலையில் இன்று தானே சிறையிலிருக்கும் இக்பால் கஸ்கரை, போதைப் பொருள் கடத்தல் தடுப்பு பிரிவு காவலர்கள் இன்று (ஜூன் 23) கைது செய்தனர்.

முன்னதாக ஜம்மு காஷ்மீரிலிருந்து மும்பைக்கு கடத்த முயன்ற போதைப் பொருள்கள் பறிமுதல் செய்யப்பட்டன. இது தொடர்பாக காவலர்கள் வழக்குப்பதிவு செய்து விசாரணை நடத்தினர்.

இதில் இக்பாலுக்கு தொடர்பு இருப்பது தெரியவந்தது. இதையடுத்து காவலர்கள் இக்பால் கஸ்கரை கைதுசெய்தனர். தற்போது அவரிடம் விசாரணை நடந்துவருகிறது.

இதையும் படிங்க: சோட்டா ராஜன் சிறையில் நலமாக உள்ளாரா?