தேஜ்; இன்று மதியம் அதிதீவிர புயலாக மாற வாய்ப்பு - இந்திய வானிலை ஆய்வு மையம் எச்சரிக்கை!

Cyclone Tej: அரபிக்கடலின் தென்மேற்கு திசையில் மையம் கொண்டுள்ள தீவிர புயல், இன்று மதியம் அதிதீவிர புயலாக மாற உள்ளதாக இந்திய வானிலை ஆய்வு மையம் தெரிவித்துள்ளது.

டெல்லி: அரபிக்கடலின் தென்மேற்கே மையம் கொண்டுள்ள தேஜ் புயல், இன்று (அக்.22) மதியம் அதிதீவிர புயலாக மாறும் என இந்திய வானிலை ஆய்வு மையம் எச்சரிக்கை விடுத்து உள்ளது. இது தொடர்பாக, இந்திய வானிலை மையம் வெளியிட்டு உள்ள X வலைத்தளப் பதிவில், “அரபிக்கடலின் தென்மேற்கு திசையில் மையம் கொண்டு உள்ள தேஜ் புயல், இன்று மதியம் 2.30 மணிக்கு அதிதீவிர புயலாக மாறி, ஏமனின் சொகோட்ராவின் கிழக்கு-தென்கிழக்கு நோக்கி 260 கிலோ மீட்டர் வேகத்தில் நகரும்.

மேலும், இந்த புயல் தெற்கு-தென்கிழக்கின் சலலாவில் (ஏமன்) 630 கிலோ மீட்டர் வேகத்தில் வீசும். அதேபோல், ஏமனின் அல் காய்தாவின் தென்கிழக்கு திசையில் 650 கிலோ மீட்டர் வேகத்தில் செல்லும். மேலும், இந்த புயல் இன்றைய நாளின் மதியம் அதிதீவிர புயலாக மாறும் என கணிக்கப்பட்டு உள்ளது” என குறிப்பிடப்பட்டு உள்ளது. அரபிக் கடலில் உருவான இந்த தேஜ் புயல், வருகிற 25ஆம் தேதி அன்று அல் காய்தா, ஏமன், சலாலா மற்றும் ஓமன் வழியாக கரையைக் கடக்கும்.

குஜராத்தில் இருந்து நகன்ற தேஜ் புயல், ஓமன் மற்றும் ஏமனின் தெற்கு கடலோரப் பகுதிகளை நோக்கி செல்கிறது. முன்னதாக கடந்த அக்டோபர் 20ஆம் தேதி, முதலில் குறைந்த காற்றழுத்த தாழ்வு பகுதியாக அரபிக் கடலில் கண்டறியப்பட்ட தேஜ் புயல், பின்னர் காற்றழுத்தத் தாழ்வு மண்டலமாக மாறியது.

மேலும், இன்று மதியம் 2.30 மணிக்கு மேற்கு வங்காள விரிகுடாவில் இருந்து, ஒடிசாவின் பரதிப் பகுதியில் 610 கிலோ மீட்டர் தொலைவிலும், மேற்கு வங்க மாநிலத்தின் டிகா பகுதியில் 760 கிலோ மீட்டர் தொலைவிலும், பங்களாதேஷின் தெற்கு-தென்மேற்கு கேபுபராவில் 980 கிலோ மீட்டர் தொலைவிலும் புயல் மையம் கொள்ள உள்ளது. பின்னர், அடுத்த 24 மணி நேரத்தில் ஆழ்ந்த காற்றழுத்த தாழ்வு மண்டலமாக மாற வாய்ப்பு உள்ளது.

இதையும் படிங்க:எரிவாயு கிணறுகளால் அரியலூர் மாவட்டம் பாலைவனம் ஆகிவிடும் – அன்புமணி ராமதாஸ்