தடுப்பூசி சான்றிதழில் பிரதமருக்குப் பதிலாக தீதி புகைப்படம்!

பொதுமக்கள் தடுப்பூசி செலுத்தியதற்காக வழங்கப்படும் சான்றிதழில் பிரதமர் நரேந்திர மோடி புகைப்படம் நீக்கப்பட்டு, மேற்கு வங்கம் முதலமைச்சர் மம்தா பானர்ஜியின் புகைப்படம் சேர்க்கப்பட்டுள்ளது.

கொல்கத்தா: ஒன்றிய அரசுக்கும் மேற்கு வங்க முதலமைச்சர் மம்தா பானர்ஜிக்கும் இடையிலான சச்சரவு நாளுக்கு நாள் மிகவும் மோசமாகிவருகிறது.

அதன் ஒருபகுதியாக இனிமேல், முதலமைச்சர் மம்தா பானர்ஜியின் படம் கரோனா தடுப்பூசி சான்றிதழ்களில் அச்சிடப்பட வாய்ப்புள்ளது, ஏனெனில் மாநில அரசு தானாகவே தடுப்பூசிகளை வாங்கி பொதுமக்களுக்கு கொடுத்துவருவதால் இந்த முடிவு எடுக்கப்பட்டுள்ளது.

மாநில அரசு தனது சொந்த பணத்தினால் தடுப்பூசிகளை வாங்குவதால், பிரதமருக்குப் பதிலாக முதலமைச்சரின் புகைப்படம் அச்சிடப்படும் என்று முடிவுசெய்யப்பட்டுள்ளது.