கோவிட்-19 நிலவரம்: இந்தியாவில் புதிதாக 12,194 பேருக்கு பாதிப்பு

கடந்த 24 மணிநேரத்தில் 12 ஆயிரத்து 194 நபர்களுக்குக் கரோனா தொற்று இருப்பது உறுதிசெய்யப்பட்டுள்ளது. அத்துடன் 92 பேர் கரோனா பாதிப்பு காரணமாக உயிரிழந்தனர்.

நாட்டின் கரோனா பாதிப்பு எண்ணிக்கை நிலவரத்தை மத்திய சுகாதாரத்துறை அமைச்சகம் (பிப். 14) வெளியிட்டுள்ளது. அதன்படி, நாடு முழுவதும் கடந்த 24 மணிநேரத்தில் 12 ஆயிரத்து 194 நபர்களுக்குக் கரோனா தொற்று இருப்பது உறுதிசெய்யப்பட்டுள்ளது. அத்துடன் 92 பேர் கரோனா பாதிப்புக் காரணமாக உயிரிழந்தனர்.

கோவிட் - 19 பாதிப்பு நிலவரம்:

இந்தியாவில், இதுவரை ஒரு கோடியே ஒன்பது லட்சத்து 04 ஆயிரத்து 940 பேர் கரோனா பெருந்தொற்றால் பாதிக்கப்பட்ட நிலையில், தற்போது ஒரு லட்சத்து 55 ஆயிரத்து 642 பேர் சிகிச்சைப் பெற்றுவருகின்றனர். நாட்டில் இதுவரை ஒரு லட்சத்து 55 ஆயிரத்து 642 பேர் கரோனாவால் உயிரிழந்தனர்.

பரிசோதனை, தடுப்பூசி நிலவரம்:

கரோனா பரிசோதனை விவரம் குறித்து இந்திய மருத்துவ ஆராய்ச்சிக் கழகம் இன்று (பிப். 14) வெளியிட்டுள்ள அறிக்கையில், நாடு முழுவதும் கடந்த 24 மணி நேரத்தில் ஆறு லட்சத்து 97 ஆயிரத்து 114 நபர்களுக்குப் பரிசோதனை மேற்கொள்ளப்பட்டது. இதுவரை மொத்தம் 20 கோடியே 62 லட்சத்து 30 ஆயிரத்து 512 பரிசோதனைகள் மேற்கொள்ளப்பட்டுள்ளதாகத் தெரிவிக்கப்பட்டுள்ளது.

மேலும், இதுவரை சுமார் 80 லட்சத்துக்கும் மேற்பட்டோருக்கு தடுப்பூசி செலுத்தப்பட்டுள்ளது.

இதையும் படிங்க:27 கோடி ஏழை மக்களுக்கு இலவச கோவிட்-19 தடுப்பூசி: ஐ.எம்.ஏ வலியுறுத்தல்!