புதுச்சேரியை விட்டு அகலும் கரோனா தொற்று

புதுச்சேரியில் முதன்முறையாக 10-க்கும் கீழ் குறைந்துள்ள கரோனா பாதிப்பு எண்ணிக்கை, கடந்த 24 மணிநேரத்தில் எட்டு பேருக்கு மட்டுமே கரோனா தொற்று உறுதிசெய்யப்பட்டுள்ளது எனச் சுகாதாரத் துறை தெரிவித்துள்ளது.

புதுச்சேரி:கடந்த 24 மணி நேரத்தில் புதுச்சேரியில் ஆறு நபர்களுக்கும், காரைக்காலில் ஒருவரும், மாஹேவில் ஒருவரும் என மொத்தம் எட்டு நபர்கள் கரோனா தொற்றால் பாதிக்கப்பட்டுள்ளனர்.

இதனிடையே, மாநிலத்தில் தற்போது 250 நபர்கள் சிகிச்சைப் பெற்றுவருகின்றனர். மாநிலத்தில் இதுவரை ஒரு லட்சத்து 26 ஆயிரத்து 968 நபர்கள் குணமடைந்து வீடு திரும்பியுள்ளனர். இதுவரை ஒரு லட்சத்து 29 ஆயிரத்து 93 நபர்கள் பாதிக்கப்பட்டுள்ளனர் என மக்கள் நல்வாழ்வுத் துறை தெரிவித்துள்ளது.

புதுச்சேரியில் கரோனா பாதிப்பு எண்ணிக்கை

மேலும், புதுச்சேரியில் கரோனா தடுப்பூசி முதல் தவணை ஏழு லட்சத்து 76 ஆயிரத்து 835 பேரும், இரண்டாம் தவணை நான்கு லட்சத்து 91 ஆயிரத்து 132 பேரும் செலுத்தியுள்ளனர். மொத்தமாக 12 லட்சத்து 67 ஆயிரத்து 967 பேர் தடுப்பூசி செலுத்திக்கொண்டுள்ளனர்.