குஜராத்: 182 உறுப்பினர்களைக்கொண்ட குஜராத் சட்டப்பேரவைக்கு அடுத்த மாதம் இரு கட்டங்களாக தேர்தல் நடைபெறவுள்ளது. இதில் பாஜக, காங்கிரஸ், ஆம்ஆத்மி இடையே மும்முனைப்போட்டி நிலவுகிறது. ஆட்சியைத் தக்க வைத்துக்கொள்ளும் முனைப்பில் பாஜக தீவிரமாக செயல்பட்டு வருகிறது. ஆம்ஆத்மியும் உத்வேகத்துடன் பிரசாரம் செய்து வருகிறது.
காங்கிரஸ் கட்சி, குஜராத் சட்டப்பேரவை தேர்தலுக்கான முதற்கட்ட வேட்பாளர் பட்டியலை கடந்த 4ஆம் தேதி அறிவித்தது. அதில் 43 தொகுதிகளுக்கு வேட்பாளர்கள் அறிவிக்கப்பட்டனர். இரண்டாம் கட்டமாக கடந்த 10ஆம் தேதி 46 பேர் கொண்ட வேட்பாளர் பட்டியலை வெளியிட்டது. கடந்த 11ஆம் தேதி மற்றும் 12ஆம் தேதிகளில், மூன்று மற்றும் நான்காம் கட்ட வேட்பாளர் பட்டியல் வெளியிடப்பட்டது.