விஜய் சேதுபதி தாக்கப்பட்ட விவகாரம் - உண்மை தகவல் என்ன?

பெங்களூரு விமான நிலையத்தில் விஜய் சேதுபதி தாக்கப்பட்ட வீடியோ இணையத்தில் வைரலானது. இந்நிலையில் விஜய் சேதுபதி நண்பருக்குப் பதிலாக அவர் தாக்கப்பட்டதாகத் தகவல் வெளியாகியுள்ளது.

நடிகர் விஜய் சேதுபதி நேற்று (நவ.2) தனது நண்பர் மகா காந்தி என்பவருடன் விமானத்தில் பயணித்து பெங்களூரு சென்று கொண்டிருந்தார். அப்பொழுது விமானத்தில் மகா காந்திக்கும்‌, ஜான்சன் என்பவருக்கும் இடையே கருத்து வேறுபாடு காரணமாக வாய்த் தகராறு ஏற்பட்டது.

அதன் பிறகு மகா காந்தி மற்றும் விஜய் சேதுபதி விமானத்திலிருந்து இறங்கி, பெங்களூரு விமான நிலையத்தின் வெளியே வந்து கொண்டிருந்தனர். அப்போது அங்கு காத்திருந்த ஜான்சன் மகா காந்திக்குப் பதிலாக விஜய் சேதுபதியை எட்டி உதைத்தார்.

விஜய் சேதுபதி மீது தாக்குதல்

உடனடியாக அங்கிருந்த மத்திய தொழிலகப் பாதுகாப்புப்படையினர் இருவரையும் தடுத்து நிறுத்தினர். பிறகு இருவரும் தாங்களாகவே சமாதானம் செய்துகொண்டு, அங்கிருந்து கிளம்பிச் சென்றனர்.

இந்த விவகாரம் தொடர்பாக இதுவரை எந்த வழக்கும் பதிவு செய்யப்படவில்லை. நேற்று இரவு நடைபெற்ற இந்த சம்பவம் தொடர்பான வீடியோ தற்போது இணையத்தில் வைரலாகி வருகிறது.

இதையும் படிங்க:திடீரென விஜய் சேதுபதியை எட்டி உதைத்த நபர்!