லக்னோ:உத்தரப் பிரதேச மாநிலம் பிரயாக்ராஜ் மாவட்டத்தில் உள்ள பாகம்பரி மடத்தில் அகில பாரதிய அகார பரிஷத் மடத்தின் தலைவர் மஹந்த் நரேந்திர கிரி தற்கொலை செய்துகொண்டார். மன அழுத்தம் காரணமாக அவர் தற்கொலை செய்துகொண்டதாக கூறப்படுகிறது.
தற்கொலைக்கு முன்பு அவர் எழுதிய கடிதத்தில், தனது சீடர்களான ஆனந்த் கிரி உள்ளிட்டவர்கள்தான் தன்னுடைய தற்கொலைக்கு காரணம் என குறிப்பிட்டுள்ளார்.
ஆனந்த் கிரி அந்த குற்றச்சாட்டை மறுத்ததோடு, அந்தக் கடிதத்தில் எழுதப்பட்டிருப்பது அவருடைய கையெழுத்துதானா என்பதை ஆய்வு செய்ய வேண்டும் என வலியுறுத்தியுள்ளார். மேலும், அவர் தற்கொலை செய்திருக்கமுடியாது என்றும் அவர் தற்கொலை குறித்து விசாரணை நடத்தவேண்டும் எனவும் வலியுறுத்தியுள்ளார்.