தமிழ்நாட்டுக்கு 37.5டிஎம்சி நீரை திறந்துவிட காவிரி மேலாண்மை ஆணையம் உத்தரவு

தமிழ்நாட்டிற்கு திறந்துவிட வேண்டிய 37.5டிஎம்சி நீரை உடனே திறந்துவிட கர்நாடகா அரசுக்கு காவிரி மேலாண்மை ஆணையம் உத்தரவிட்டுள்ளது.

டெல்லி:காவிரி மேலாண்மை ஆணையத்தின் 14ஆவது கூட்டம் டெல்லியில் மத்திய நீர்வள அமைச்சகத்தின் சேவா பவனில் நடைபெற்றது. காவிரி மேலாண்மை ஆணைய தலைவர் ஹல்தர் தலைமையில் நடைபெற்ற இக்கூட்டத்தில், தமிழ்நாடு, கர்நாடகா உள்ளிட்ட 4 மாநில அலுவலர்கள் பங்கேற்றனர்.

தமிழ்நாட்டின் சார்பில், பொதுப்பணித்துறை செயலர் சந்தீப் சக்சேனா, காவிரி தொழில்நுட்பப் பிரிவு தலைவர் சுப்பிரமணியன் உள்ளிட்ட அலுவலர்கள் பங்கேற்றனர். கூட்டத்தில், கர்நடகா முறையாக காவிரி நீரை வழங்கவில்லை, செப்டம்பர் 23ஆம் தேதி வரையிலான 37.3 டிஎம்சி காவிரி நீர் இன்னும் வழங்கப்படாமல் நிலுவையில் உள்ளதாக தமிழ்நாடு அரசு குற்றஞ்சாட்டியது.

மேலும், அக்டோபர் மாதத்திற்கான நீர் பங்கீட்டையும் உடனே வழங்கே கர்நாடகாவுக்கு உத்தரவிடவேண்டும் எனவும் வலியுறுத்தப்பட்டது. இதைத்தொடர்ந்து, நிலுவையில் உள்ள 37.3 டிஎம்சி நீரை உடனடியாக வழங்க வேண்டும் எனவும என காவிரி மேலாண்மை ஆணையத் தலைவர் எஸ்.கே. ஹல்தர் உத்தரவிட்டார்.

நான்கு மாநிலங்களும் ஒப்புக்கொண்டால் மட்டுமே மேகேதாட்டு திட்டம், காவிரி குண்டாறு இணைப்புத்திட்டம் ஆகியவற்றை விவாதிக்கமுடியும் என்றும் அவர் தெரிவித்தார்.

இதையும் படிங்க:புதுச்சேரியில் உள்ளாட்சித் தேர்தல் இடப் பங்கீடு குறித்து ஆலோசனைக் கூட்டம்