பீகார்: முசாபர்பூரில் அமைந்துள்ள 'ரெட் லைட் ஏரியா' சதுர்புஜ் இடத்தில் ஒரு பாலியல் தொழிலாளியின் மகளாக நசீமா கட்டூன் பிறந்தார். பிறகு அப்பகுதிலேயே தங்கி படிப்பை முடித்தார். தற்போது தேசிய மனித உரிமைகள் ஆணையத்தின் ஆலோசகராக நசீமா பட்டியலில் இடம்பெற்றதையடுத்து, அப்பகுதி பெண்கள் மற்றும் குழந்தைகள் மத்தியில் மகிழ்ச்சியில் பொங்கியுள்ளது.
இதுகுறித்து நசீமா கட்டூன் கூறுகையில், பெரியோர்களின் ஆசீர்வாதத்தாலும், நண்பர்களின் ஆதரவாலும், என்னுடைய முயற்சியாலும் தான் NHRC குழுவில் உறுப்பினராக சேர வாய்ப்பு கிடைத்துள்ளது. எங்களுடைய தாழ்த்தப்பட்ட சமுதாயம் தற்பொழுது தான் முன்னேறி வருகிறது. அதன் அடையாளம் தான் இந்த வாய்ப்பு.
ரெட் லைட் ஏரியாவின் மகள்: தேசிய அளவில் பல்வேறு துறைகளில் பணிபுரிபவர்களைக் கொண்ட குழுவை ஆணையம் அமைத்துள்ளது. அதில் தனக்கு வாய்ப்பு கிடைத்தது பெருமையாக உள்ளது. நான் தாழ்த்தப்பட்ட மக்களின் குரலாக இருப்பேன். எனக்கு இந்த பொறுப்பை கொடுத்த மனித உரிமைகள் ஆணைக்குழுவின் அனைத்துப் அதிகாரிகளுக்கும் எனது நன்றியை தெரிவித்துக்கொள்கிறேன்.
பீகாரில் கிட்டத்தட்ட அனைத்து மாவட்டங்களிலும் சிவப்பு விளக்கு பகுதிகள் உள்ளன. நானும் ரெட் லைட் ஏரியாவின் பிறந்து, வளர்ந்தவள் தான். கடந்த 20 வருடங்களாக ரெட் லைட் ஏரியா மக்களுக்கு அரசியலமைப்பு உரிமைகளை வழங்கவும், குழந்தைகளுக்கு கல்வியை கற்பிக்கவும் முயற்சி எடுத்து வருகிறார்கள். இந்த அத்தியாயத்தில் பர்ச்சம் என்ற அமைப்பின் மூலம் பல்வேறு இடங்களில் விழிப்புணர்வு பிரச்சாரங்களை நடத்தி, மக்களுக்கு கல்வி மற்றும் அவர்களின் உரிமைகள் குறித்து விழிப்புணர்வு ஏற்படுத்த தொடங்கினார்கள்.
"தாழ்த்தப்பட்ட சமுதாயத்தின் உரிமைகள் மற்றும் உரிமைகளுக்கான போராட்டம் தற்போது அதிகரித்து வருகிறது. சமுதாயத்தில் உள்ள அனைத்து பெரியவர்களின் ஆசியும், நண்பர்களின் ஆதரவும், என்னுடைய கனவும் தான் இந்த மிகப்பெரிய பொறுப்பான, நாட்டின் மிக உயரிய நீதித்துறை அமைப்பான மனித உரிமைகள் ஆணையத்தின் சார்பாக NHRC, முக்கிய குழுவில் உறுப்பினராக சேர வாய்ப்பு கிடைத்துள்ளது”.