புதுச்சேரியில் மம்தா பானர்ஜி உருவப்படத்தை எரித்து பாஜகவினர் ஆர்ப்பாட்டம்

புதுச்சேரி: மேற்கு வங்கத்தில் பாஜக தொண்டர்கள் மீது கொலைவெறி தாக்குதல் நடந்த சம்பவத்தை கண்டித்து மம்தா பானர்ஜி உருவப்படத்தை எரித்து பாஜகவினர் ஆர்ப்பாட்டம் நடத்தினர்.

மேற்கு வங்க மாநிலத்தில் பாஜக தொண்டர்கள் மீது திரிணாமூல் காங்கிரஸ் தொண்டர்கள் கொலைவெறி தாக்குதல் நடத்தியதாக கூறப்படுகிறது.

இச்சம்பவத்தை கண்டித்து புதுச்சேரி இந்திரா காந்தி சிலை சதுக்கத்தில் பாஜகவினர் கண்டன ஆர்ப்பாட்டம் நடத்தினர்.

இதில் அதன் மாநில தலைவர் சாமிநாதன் உள்ளிட்ட 50க்கும் மேற்பட்டோர் கலந்துகொண்டனர். அப்போது அவர்கள் மம்தா பானர்ஜியை கண்டித்து கோஷங்களை எழுப்பினர்.

தொடர்ந்து மம்தா பானர்ஜி உருவப்படத்தை எரித்து தங்களது எதிர்ப்பை தெரிவித்தனர்.

இதையும் படிங்க: செங்கல்பட்டில் 13 பேர் உயிரிழப்புக்கு ஆக்ஸிஜன் பற்றாக்குறை காரணமா? மாவட்ட ஆட்சியர் விளக்கம்!