நவாடா: பீகாரில் தன்னை கர்ப்பமாக்கிய காதலனை திருமணம் செய்து கொள்ளுமாறு வற்புறுத்தியதாக மைனர் சிறுமியை, காதலன் மற்றும் அவரது குடும்பத்தினர் உயிருடன் தீ வைத்து எரித்துக் கொன்ற சம்பவம் அதிர்ச்சியை ஏற்படுத்தி உள்ளது. நவாடா பகுதியைச் சேர்ந்த சிறுமியும், அதே பகுதியைச் சேர்ந்த இளைஞனும் காதலித்து வந்ததாக கூறப்படுகிறது.
காதலனுடன் ஏற்பட்ட நெருக்கத்தால் மைனர் சிறுமி கருவுற்றதாக கூறப்படுகிறது. தன் வீட்டிற்கு தெரிந்தால் பல்வேறு பிரச்சினைகள் ஏற்படும் என்று கூறிய சிறுமி, தன்னை திருமணம் செய்து கொள்ளுமாறு காதலனிடம் தெரிவித்ததாக கூறப்படுகிறது. காதலியின் பேச்சு சட்டை செய்து வந்த இளைஞர் திருமணம் செய்து கொள்ளாமல் பல்வேறு காரணங்களை கூறி காலம் தாழ்த்தி வந்ததாக கூறப்படுகிறது.
இந்நிலையில், தன்னை திருமணம் செய்து கொள்ள வேண்டும் என காதலனிடம், சிறுமி கட்டாயமாக கூறியதாக சொல்லப்படுகிறது. இதனால் எரிச்சலடைந்த இளைஞர், சிறுமியை கொலை செய்ய திட்டமிட்டதாக கூறப்படுகிறது. சம்பவத்தன்றும் இதே போல் சிறுமி திருமணம் குறித்து பேசியதால் கோபமடைந்த இளைஞர் கொடூரமாக தாக்கியதாக கூறப்படுகிறது.