ஹிமாச்சலப் பிரதேசம்: ஹிமாச்சலப் பிரதேசத்தின் 75-வது அமைப்பு தினத்தையொட்டி, சம்பா நகரில் நடைபெற்ற பொதுக்கூட்டத்தில், அம்மாநில முதலமைச்சர் ஜெய்ராம் தாகூர் கலந்துகொண்டார். அப்போது, என்.சி.சி மற்றும் என்.எஸ்.எஸ் வீரர்களின் அணிவகுப்பு மரியாதையை ஏற்றார்.
இதைத்தொடர்ந்து, கூட்டத்தில் உரையாற்றிய அவர், 'மாநிலத்தில் உள்ள அனைத்து குடும்பத்திற்கும் தலா 125 யூனிட் மின்சாரம் இலவசமாக வழங்கப்படும். பெண்களுக்கு பேருந்து கட்டணத்தில் 50 விழுக்காடு தள்ளுபடி செய்யப்படும். இதன்மூலம் 11 லட்சத்து 50 ஆயிரம் குடும்பங்கள் பயனடைவார்கள்' என்று தெரிவித்தார்.