லக்னோ: உத்தரப்பிரதேச மாநிலத்தை சேர்ந்த போஜ்புரி நடிகை அம்ரபாலி துபேயின் தங்க நகைகள் மற்றும் மூன்று செல்போன்கள் அவரது ஹோட்டல் அறையில் இருந்து திருடப்பட்டுள்ளதாக புகார் அளித்துள்ளார். நடிகை துபே தனது வரவிருக்கும் திரைப்படமான விவாஹ் 3 படப்பிடிப்பிற்காக பெற்றோருடன் நவம்பர் 17ஆம் தேதி அயோத்திக்கு சென்றிருந்தார். அங்கு பெற்றோருடன் ஹோட்டல் ஒன்றில் தங்கினார். அங்கு தான் திருட்டு நடந்ததாக கூறப்படுகிறது.
இந்த சம்பவம் குறித்து நடிகையின் தாயார் உஷா ஷைலேஷ் துபே கூறுகையில், அறைக் கதவைப் பூட்ட மறந்துவிட்டு தூங்கிவிட்டோம். காலை 9 மணியளவில் கண்விழித்த போது தான் கொள்ளை நடந்திருப்பது தெரியவந்தது. அறையில் இருந்து ரூ.15 லட்சம் மதிப்புள்ள பொருட்கள் திருடப்பட்டுள்ளன” என தெரிவித்தார்.