ஆந்திராவில் ஆளுங்கட்சி எம்.எல்.ஏ.வுக்கு கரோனா உறுதி

அமராவதி: ஆந்திராவில் ஆளுங்கட்சி எம்.எல்.ஏ.வுக்கு கரோனா பாதிப்பு உறுதிசெய்யப்பட்டுள்ளது.

ஆந்திர மாநிலம் விஜயநகரம் மாவட்டத்திலுள்ள ஆளுங்கட்சி (ஒய்.எஸ்.ஆர். காங்கிரஸ்) எம்.எல்.ஏ. ஒருவருக்கு கரோனா பாதிப்பு உறுதிசெய்யப்பட்டுள்ளது. இவருக்கு தற்போது சிகிச்சை அளிக்கப்பட்டுவருகிறது.

முன்னதாக எம்.எல்.ஏ. அமெரிக்கா சென்று கடந்த சில நாள்களுக்கு முன்பு வீடு திரும்பினார். இதையடுத்து அவர் வீட்டில் தனிமைப்படுத்தப்பட்டார். இந்நிலையில் அவருக்கு கரோனா பாதிப்பு உறுதியாகியுள்ளது.

இதையடுத்து எம்.எல்.ஏ.வின் பாதுகாவலருக்கும் கோவிட்-19 பரிசோதனை நடந்தது. இதில் அவருக்கும் பாதிப்பு இருப்பது கண்டறியப்பட்டுள்ளது.

தற்போது அவரும் தனிமைப்படுத்தப்பட்டு சிகிச்சை பெற்று வருகிறார். ஆந்திராவில் எம்.எல்.ஏ. ஒருவருக்கு கரோனா பாதிப்பு கண்டறியப்படுவது இதுவே முதல்முறை.