ஒடிசா மாநிலம், கேந்திரபாரா மாவட்டம், ஜன்ஹாரா கிராமத்தைச் சேர்ந்த பெண் ஜானகி சேதி. கர்ப்பிணியான இவர் இன்று காலை பிரசவ வலியால் துடித்துள்ளார்.
இதையறிந்த ஆம்பன் புயல் மீட்புப் பணியில் ஈடுபட்டிருந்த தீயணைப்புத் துறையினர், ஜானகியை தீயணைப்பு வாகனத்தில் ஏற்றி, மருத்துவமனைக்குக் கொண்டு செல்ல முயன்றனர். செல்லும் வழியிலேயே அந்தப் பெண் குழந்தையினைப் பெற்றெடுத்தார். பின்னர் தாயும், சேயும் மகாகல்பாடா அரசு மருத்துவமனையில் அனுமதிக்கப்பட்டனர் என தீயணைப்பு மற்றும் மீட்புத்துறை அலுவலர் ஒருவர் தெரிவித்தார்.